Descubre a nosa tenda en liña de bacallau
Todo o sabor do mar en cada bocado
En Bacallau José Bermúdez levamos desde 1975 ofrecendo aos nosos clientes a mellor selección de pezas de bacallau, nas que a calidade e o sabor convértense nos seus trazos principais.
O bacallau (Gadus morhua) é, desde sempre, a nosa especialidade. Non só pola súa versatilidade á hora de cociñar, senón por todo o que aporta a unha dieta equilibrada.
De carne branca e magra, o bacallau é suculento e tenro, o que o converte nunha opción ideal para pratos ao forno, estofados ou cocidos.
Os beneficios para a saúde que aporta o consumo deste peixe son numerosos:
Baixo en calorías e de fácil dixestión
Rico en proteínas
Fonte de minerais
Fonte de vitamina B6 e B12
Rico en ácidos graxos Omega 3
Unha das partes máis populares do bacallau é o fígado, empregado para elaborar o aceite de peixe. Este aceite, con alto contido en vitaminas, foi utilizado durante moitísimos anos de forma tradicional en farmacia como reconstituínte, sobre todo para os nenos.
O bacallau: do mar á túa mesa
En Bacallau José Bermúdez temos un control total das fases polas que pasa o bacallau, desde que é capturado ata que o recibimos no noso establecemento.
O noso bacallau procede do Atlántico norte, en concreto, da zona nordeste. Atópase na área FAO 27.5, nos fondos de Islandia e as Illas Feroe. As características das frías augas do Atlántico nestas zonas, a temperatura e as correntes fan que estes caladoiros sexan o fogar do bacallau que servimos. Rico en sabor e con toda a frescura.
O bacallau cápturase con anzol, co coñecido sistema de palangre. Este sistema está considerado como un dos métodos de pesca máis respectuosos e sostibles coas especies mariñas, pois só captura ao peixe obxectivo.
Bacallau (Gadus morhua)
Zonas de Pesca FAO 27
Caladoiros
Illas Feroe e Islandia
Arte de pesca
Péscase con anzol (palangre)
Preparación en orixe
Eviscéranse y sálganse en orixe
Bacallau en salgadura: un método de conservación ancestral
Unha vez en porto, o bacallau é eviscerado (extráense as tripas e vísceras) e pasa por un proceso de salgadura. Este sistema de conservación do peixe remóntase séculos atrás, como método para preservar os alimentos durante longos períodos de tempo antes de ser consumidos.
Dentro do sistema de salgadura coñécense dúas formas de conservar o bacallau:
Bacallau salgado (ou verde)
Cando o peixe xa foi eviscerado, sálase o bacallau con grandes cantidades de sal e consérvase nunha cámara frigorífica durante 30 días, a unha temperatura entre 1°C e 4°C.
Pasado este tempo, o bacallau está listo para ser conservado. Este proceso lévase a cabo no punto de orixe desde onde se distribúe o bacallau. Este bacallau é coñecido como bacallau verde. Está salgado e listo para a súa conservación, pero está húmido.
Bacallau salgado e curado
Unha vez que o bacallau se salga (ver o proceso anterior), métese nunha cámara durante unha ou dúas semanas, a temperatura de entre 20°C e 30°C. O obxectivo é que o bacallau perda humidade.
Ao cabo deste tempo, introdúcese o bacallau en cámaras de frío, cunha temperatura de entre 1°C e 4°C, durante dúas semanas. Todos os días, ao longo destas dúas semanas, echaráselle sal por riba. Neste tempo o bacallau secarase e curtirase.
Este bacallau, sometido a un dobre proceso, coñécese como bacallau curado.
Expertos en bacallau salgado e bacallau curado
En Bacallau José Bermúdez somos especialistas en bacallau. Coñecemos cada detalle do proceso ao que é sometido nos portos de orixe, controlamos os sistemas de manipulación e levamos a cabo exhaustivos controis de calidade cando o recibimos. Por iso, podemos garantir a excelente calidade do produto e ofrecelo aos nosos clientes con confianza e seguridade.
